Дызпаліва для АПК Беларусі будуць афарбоўваць у зялёны колер, аўтабензін — у сіні
Для сельскагаспадарчых арганізацый і іншых структурных падраздзяленняў, якія выконваюць работы, звязаныя з вытворчасцю сельгаспрадукцыі, дызельнае паліва будзе пастаўляцца афарбаваным у зялёны колер, а аўтамабільны бензін "Нармаль-80" — у сіні.Такое рашэнне, паводле інфармацыі прэс-службы ўрада, утрымліваецца ў пастанове Савета міністраў № 1917 ад 12 снежня. Яно набывае моц праз 10 дзён пасля афіцыйнага апублікавання.
Як зазначыла прэс-служба, выкарыстанне прызначаных для гэтых мэтаў фарбавальнікаў адпавядае ўстаноўленым патрабаванням тэхнічных нарматыўных прававых актаў. Падобная практыка існуе ва ўсім свеце.
У Беларусі афарбоўка дызпаліва і бензіну, што пастаўляюцца ў сельгасарганізацыі, будзе праводзіцца прадпрыемствамі, якія ажыццяўляюць аптовы продаж нафтапрадуктаў. Кожная партыя афарбаванага паліва будзе суправаджацца дакументам аб якасці, які сведчыць адпаведнасць гэтага паліва патрабаванням тэхнічных нарматыўных прававых актаў.
У розніцы каляровае паліва прадавацца не будзе. Афарбоўванне дызельнага паліва і аўтабензіну прымяняецца з мэтай прадухілення масавых крадзяжоў.
Таму работнікі міліцыі будуць мець права праверыць, да прыкладу, якім палівам запраўлены той ці іншы прыватны аўтамабіль.
Памерла палітзняволеная Алена Панкова. Паўгода назад яе асудзілі за ўдзел у пратэстах7
Каментары