У Гданьску пахавалі трагічна памерлага мэра гэтага горада Паўла Адамовіча. Урну з прахам пахавалі ў капліцы св. Марціна базілікі св. Панны Марыі. Апошні раз развітацца з мэрам на вуліцы Гданьска і шэрагу гарадоў па ўсёй Польшчы выйшлі дзясяткі тысяч людзей, перадае Польскае Радыё.
Stop nienawiści. Stop przemocy. Tysiące ludzi czci pamięć zmarłego Prezydenta Gdańska – Pawła Adamowicza fot. Aerovideo pic.twitter.com/lc9uT0eEGH
#Krakow #MyślamizGdańskiem #WieżaRatuszowa @gdansk @AdamowiczPawel
fot. Katarzyna Dukacz pic.twitter.com/YJsckJZYGL
Пахаванне Паўла Адамовіча пачалося памінальнай імшой. На яе пачатку ліст са спачуваннямі ад прымаса Польшчы, арцыбіскупа Войцэха Поляка прачытаў арцыбіскуп Генрых Мушынскі. Арцыбіскуп Славай Лешэк Глудзь перадаў сям'і Паўла Адамовіча спачуванні ад Папы Францішка і ружанцы бацькам мэра, удаве Магдалене, дачкам Антоні і Тэрэсе, а таксама брату Пятру.
Kamienna urna stoi już w niszy, nad marmurową płytą z napisem Paweł Adamowicz (1965-2019). W kościele milczenie. Orkiestra zagrała "Time to say good bye" Andrei Bocellego. Gdańsk pożegnał swojego prezydenta. pic.twitter.com/OMdpDoTNZk
Удава трагічна загінулага мэра Гданьска, Магдалена Адамовіч, падзякавала Богу, што шмат гадоў таму ён злучыў іх на адзіным шляху. Яна ўспомніла пра гады сумеснага жыцця і дабро, якое ёй дарыў яе муж. Яна прыгадала, што ў маі магла быць 20-я гадавіна іх шлюбу.
Магдалена Адамовіч успомніла апошнія словы, якія мэр Гданьска сказаў перад смерцю: «Гэта выдатны час дзяліцца дабром. Вас любяць! Гданьск ёсць выдатным горадам у свеце. Дзякуй Вам! — Гэта твае апошнія словы, Павел. Пасьля іх Ты сышоў са святлом да Нябёсаў».
Poruszające przemówienia na pogrzebie prezydenta @gdansk @AdamowiczPawel . Tak wyglądały uroczystości w Bazylice Mariackiej https://t.co/axpVHviMFO pic.twitter.com/7OyjIzvOW1
«Ён ахвяраваў гэтай службе роднаму гораду сваё сэрца, энтузіязм, прафесійныя кампетэнцыі, свае пачуцці, інтэлект, а таксама творчае ўяўленне. Гданьск з'яўляецца шчодрым, Гданьск дзеліцца дабром, Гданьск хоча быць горадам салідарнасці. Так сказаў мэр за імгненне да трагічнага замаху. Разумейма гэтыя словы як запавет», — сказаў Мітрапаліт Гданьскі, арцыбіскуп Славай Лешек Глудзь.
На памінальнай імшы былі прэзідэнт Анджэй Дуда, прэм'ер Матэуш Маравецкі і старшыня Еўрапейскай рады Дональд Туск.
Pawle, nigdy o Tobie nie zapomnimy. Żegnaj, Przyjacielu.
Нагадаем, у нядзелю, 13 студзеня, падчас фіналу дабрачыннай акцыі Вялікага аркестра святочнай дапамогі ў Гданьску зламыснік некалькі разоў ударыў мэра горада Паўла Адамовіча нажом. Мэр памёр на наступны дзень у бальніцы. Яму было 53 гады.
Гэта чацвёртае пахаванне ў базіліцы св. Панны Марыі ў Гданьску. Павел Адамовіч спачыў побач з заслужанымі людзьмі Гданьска. У 2010 годзе ў капліцы быў пахаваны спікер Сейма Мацей Плажынскі, які загінуў у смаленскай катастрофе.
Нацыянальная жалоба, якая доўжылася па ўсёй Польшчы з пятніцы, завяршылася ў суботу а 19-й гадзіне.
Syreny alarmowe ku pamięci prezydenta Pawła Adamowicza pic.twitter.com/0UxmtnxRaW
Чытайце таксама:
Памёр мэр Гданьска, паранены падчас дабрачыннага канцэрта
Беларуска пра забітага мэра Гданьска: «Дапамагаў беларусам»
У Варшаве тысячы людзей ушанавалі памяць мэра Гданьска
Цяпер чытаюць
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы7
«Мне хацелі кампенсаваць каля 10% ад кошту пагарэлага». Як беларускія прадаўцы на Вайлдберыз вырашаюць вогненныя праблемы
«Надзея Сцяпанаўна». Мікіта Найдзёнаў апублікаваў паэму, якая нарадзілася ў Жодзінскай турме. Такога паэтычнага эпасу ў беларускай паэзіі ХХІ стагоддзя яшчэ не было66
Каментары