Мэр Гданьска Павел Адамовіч, якога паранілі нажом падчас канцэрта, памёр.
Яму было 54 гады. У нядзелю яго атакавалі нажом на сцэне падчас фіналу Вялікага каляднага дабрачыннага канцэрта. Нападаючым быў Стэфан В., раней пакараны за рабаванні.
Адамовіч стаяў у куце сцэны, калі да яго падбег чалавек і некалькі разоў ударыў яго нажом. Мэру доўга аказвалі медыцынскую дапамогу прама на сцэне, пасля чаго павезлі ў клінічны цэнтр медыцынскага універсітэта Гданьска.
Злачынец назваў напад на мэра помстай партыі «Грамадзянская платформа». Ён проста на сцэне прадставіўся ў мікрафон. «Я сядзеў у турме, хоць быў невінаваты. «Грамадзянская платформа» катавала мяне. Вось чаму Адамовіч памёр», — сказаў нападаючы. Яго затрымалі супрацоўнікі прыватнай ахоўнай кампаніі, якая адказвала за бяспеку на канцэрце.
У маі-чэрвені 2013 года нападнік здзейсніў серыю ўзброеных рабаванняў банкаў, забраўшы агулам 15 тысяч польскіх злотых (каля чатырох тысяч даляраў). Яго прысудзілі да пяці з паловай гадоў пазбаўлення волі. Вызваліўся мужчына ў канцы снежня.
Адамовічу зрабілі аперацыю. Яго стан заставаўся вельмі цяжкім. Мэр атрымаў раненні сэрца, дыяфрагмы і брушной поласці. Аперацыя доўжылася пяць гадзін, за гэты час пацыенту пералілі амаль 20 літраў крыві. Лекары давалі мала шанцаў на тое, што ён выжыве.
Цяпер чытаюць
Зніклы Анатоль Котаў быў партнёрам самага высокапастаўленага беларускага разведчыка, які пераехаў у Польшчу. Тут можа быць ключ да разгадкі яго знікнення
Каментары