Францыя падтрымлівае змяненне заканадаўства ЕС, якое ўскладніць будаўніцтва расейскага газаправода «Паўночны паток — 2». Пра гэта піша Süddeutsche Zeitung са спасылкай на французскія ўрадавыя колы.
Парыж плануе падтрымаць перагляд так званай газавай дырэктывы падчас галасавання ў ЕС, запланаванага на пятніцу.
«Мы не хочам павялічваць нашу залежнасць ад Расіі і тым самым шкодзіць інтарэсам краін ЕС, такіх, як Польшча і Славакія», — сказалі ў Парыжы.
«Да гэтага часу немцы лічылі Нідэрланды, Бельгію, Аўстрыю, Грэцыю і Кіпр сваімі саюзнікамі. Але гэтага недастаткова. Без Парыжа федэральнаму ўраду будзе цяжка прагаласаваць так, каб забяспечыць яго волю», — гаворыцца ў матэрыяле.
Еўракамісія імкнецца атрымаць узгоднены набор энергетычных правілаў ЕС, якія будуць прымяняцца да марскіх трубаправодаў, як гэта адбываецца ў выпадку з наземнымі трубаправодамі.
Брусель будзе правяраць, ці адпавядае трубаправод заканадаўству ЕС, ці няма рызыкі негатыўнага ўплыву на ўнутраны газавы рынак і ці не адаб'ецца гэта негатыўна на бяспецы паставак або канкурэнцыі.
Цяпер чытаюць
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза12
Вялікая гутарка з Лесяй Руднік пра сэксізм, мужа-рэслера, заробак доктаркі навук у Швецыі, апазіцыю і памылку Еўрасаюза
Галіна Дзербыш казала пракурору: «Як памру, буду да ўсіх вас ноччу прыходзіць». І жыццё ўжо дагнала яе суддзю і сведак. Гісторыя пенсіянеркі, якой далі 20 гадоў калоніі1616
Каментары