Былы кіраўнік Гродзенскага абласнога камітэта па ахове здароўя Андрэй Стрыжак асуджаны на 7,5 года пазбаўлення волі ў калоніі ўзмоцненага рэжыму з канфіскацыяй маёмасці. Таксама яму забаранілі займаць пэўныя пасады тэрмінам на 5 гадоў. Такі прысуд вынес сёння суд Цэнтральнага раёна Мінска. Рашэнне абвясціла суддзя Юлія Густыр, піша Tut.by
Акрамя таго, суд задаволіў грамадзянскі пазоў аб спагнанні з медыка «сумы неабгрунтавана атрыманай выгады», гэта значыць сумы хабараў на суму 38 тысяч 105 рублёў і 34 капейкі. У Стрыжака ў кошт пагашэння шкоды канфіскуюць 8 сярэбраных і залатых зліткаў, 6 памятных манет, 4 карціны, нагрудныя знакі, антыкварную манету і набор з 7 чайных лыжак.
Напярэдадні пракурор Максім Чупрыс прасіў суд прызначыць былому чыноўніку 7,5 года пазбаўлення волі. У апошнім слове сам Стрыжак казаў: раскайваецца, просіць улічыць яго яўку з павіннай на імя кіраўніка КДБ і супрацоўніцтва са следствам.
Андрэя Стрыжака судзілі за хабар. Па версіі следства, чатыры гады ён атрымліваў грошы ад бізнэсменаў, якія паставілі (або збіраліся) медтэхніку ў бальніцы і дыспансеры - у якасці «падзякі» за своечасовы разлік за тавар, усяго хабараў на больш чым 30 тысяч даляраў.
35 маладых беларусаў і беларусак, за якімі варта сачыць: апублікаваны першы спіс Next 3532
Каментары