«Беларусбанк» заяўляе пра выяўленыя факты махлярства ў сацыяльнай сетцы Instagram. Пра гэта інфармуе сайт банка.
Кліентам банка ў Instagram накіроўвалі рэкламныя паведамленні аб розыгрышы грошай. Пасля праходжання віктарыны на экране з'яўлялася сума выйгрышу, за перавод якога бралася камісія. Пры гэтым зламыснікі выкарыстоўвалі лагатып «Беларусбанка» і выяву яго будынка.
Таксама ў сацсетцы быў пазначаны і фальшывы рахунак belarus_bank_official з аб'явай: «Першым 1000 падпісчыкам — сертыфікат на 50 рублёў».
Банк просіць не пераходзіць па незнаёмых спасылках. Тых, хто сутыкнуўся з такой рассылкай, «Беларусбанк» просіць заблакаваць фальшывы акаўнт або паскардзіцца на яго.
Каментары