Радыё «Еўропа плюс» пашырыць прысутнасць у Беларусі, але да Мінска пакуль не дабярэцца
Экс-рэдактар «Еўрарадыё» Віталь Зыблюк у сваім фэйсбуку паведаміў, што, магчыма, у Беларусі пачне вяшчанне радыё «Еўропа плюс».
Між тым, «Еўропа плюс» якраз фігуравала ў спісе станцый, якія нядаўна не атрымалі рэгістрацыі ў беларускіх чыноўнікаў.
Чытайце. За «радыё ад Герасімені і Скардзіна» стаялі расійскія грошы. І хацелі яны не адну, а адразу тры станцыі
Ці магло так атрымацца, што раптам адна з гэтых станцый пралезла? Насамрэч усё не зусім так.
У Полацку зарэгістравана ААТ «Саміт» — гэта мясцовы тэлеканал, які таксама з 2014 года мае ліцэнзію на радыёвяшчанне. Іх станцыя называецца «Еўропа Плюс Полацк».
У аддзеле маркетынгу «Саміта» «Нашай Ніве» пацвердзілі, што, іх кампанія атрымала тры новыя хвалі: у Оршы (94.2 FM), Браславе (88.4 FM) і Ушачах (91.4 FM).
«Еўропа плюс» ахопіць гэтыя рэгіёны, а таксама Глыбокае, Бешанковічы і некаторыя суседнія рэгіёны, да якіх будуць далятаць хвалі.
Дырэктар станцыі Юрый Пятроўскі, патлумачыў «Нашай Ніве», што пашырэнне запланаванае.
«Мы працуем паэтапна, пашырацца будзем па меры магчымасці — мо дойдзем і да Мінска. Так, мы рэтранслюем некаторыя праграмы Europa+, але наша «Еўропа плюс» — гэта не франшыза, а іншая, беларуская юрыдычная асоба, рускія тут не маюць долі. Мы рэтранслюем некаторыя іхнія праграмы, а таксама «РэтраФМ». Мяркуецца, што нашы навінавыя выпускі будуць цалкам беларускія. Ёсць і ўласнае шоу», — сказаў нам Пятроўскі.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца3
Каментары