У Кітаі з'явілася аплата праезду ў метро па сістэме распазнання твараў
Шэньчжэньскі метрапалітэн запусціў аплату праезду па распазнанні твараў. Тэхналогія працуе з дапамогай 5G-сеткі, а грошы спісваюць з прывязанага спосабу аплаты, паведамляе The South China Morning Post.
Для аплаты праезду пасажырам дастаткова падысці да турнікетаў з адмысловым планшэтам. Перад выкарыстаннем сістэмы трэба зарэгістравацца і прывязаць спосаб аплаты праезду.
Падчас тэставання пасажыры змогуць убачыць інфармацыю пра сябе на асобным экране, у тым ліку здымкі іх твараў, пол, узрост і працягласць знаходжання ў метро.
Пакуль што сістэма працуе ў тэставым рэжыме, у метро Шэньчжэня не ўдакладнілі тэрміны запуску падобнай аплаты на ўсіх станцыях.
Цяпер чытаюць
35 маладых беларусаў і беларусак, за якімі варта сачыць: апублікаваны першы спіс Next 3518
Каментары