Позна ноччу 25 сакавіка ў краме, які размешчаны ў вёсцы Сарочына, Ушацкага раёна спрацавала сігналізацыя. На месца здарэння неадкладна выбылі міліцыянеры. Яны затрымалі мужчыну, які спрабаваў збегчы з гандлёвага аб'екта праз складскія памяшканні, паведамляе сайт УУС Віцебскага аблвыканкама.
Высветлілася, што злодзеем аказаўся 42-гадовы неаднаразова судзімы жыхар Гарадоцкага раёна. Паводле папярэдняй інфармацыі, ён ужо некалькі тыдняў перасоўваўся па тэрыторыі вобласці на ровары і спыняўся на начлегі ў пустых дамах.
Падчас сваіх падарожжаў падазраваны займаўся крадзяжамі. Крама ва Ушацкім раёне мужчына прыгледзеў загадзя. Уначы ён абясточыў шчыт, які забяспечваў гандлёвы аб'ект электрычнасцю і разбіў каменем шкло. Пасля гэтага злодзей забраўся ўнутр, забраў з касы амаль 2500 рублёў выручкі. Акрамя гэтага зламыснік склаў у некалькі пакетаў прадукты харчавання і алкаголь. Падчас затрымання пры сабе ён меў нож. Таксама аператыўнікамі ў некалькіх метрах ад месца крадзяжу быў знойдзены ровар, на якім рухаўся мужчына, а таксама камуфляжная куртка, абрэз з патронамі, і яшчэ адзін нож. Падазраваны затрыманы.
Цяпер чытаюць
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў9
Хочаце пагуляць на вяселлі, а сябры не збіраюцца ў ЗАГС? Аказваецца, у Беларусі ладзяць фэйкавыя вяселлі для такіх выпадкаў
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары