Свет

Румынія падтрымала змену ўлады ў Малдове праз тры дні пасля абрання новага ўрада

Міністэрства замежных спраў Румыніі ў сваёй заяве выказала афіцыйную падтрымку змене ўлады ў Малдове, заяўляючы пра легітымнасць дзеянняў парламента ў працэсе фарміравання кааліцыі і новага ўрада. Як паведамляе «Еўрапейская праўда», заява румынскага МЗС у сувязі з падзеямі ў Малдове была апублікавана ў аўторак.

У заяве міністэрства падкрэсліла, што кіруючую кааліцыю і новы ўрад сфармаваў парламент, «абраны дэмакратычным шляхам на выбарах 24 лютага».

У гэтым кантэксце МЗС Румыніі адзначыла, што Румынія як стратэгічны партнёр Малдовы лічыць, што «ў дэмакратычнай дзяржаве воля народа, выказаная на галасаванні і адлюстраваная ў палітычнай канфігурацыі парламента, — гэта адзінае, што забяспечвае легітымны палітычны працэс, заснаваны на дыялогу».

Румынія таксама выказала поўную гатоўнасць працягваць супрацоўніцтва з Малдовай пры ўмове, што Малдова будзе цвёрда і паслядоўна працягваць еўрапейскі курс, у тым ліку ўкараняючы Пагадненне аб асацыяцыі з ЕС, а таксама праводзіць рэформы.

«Румынія таксама высока шануе захаванне актуальнасці пазіцыі Рэспублікі Малдова па прыднястроўскім пытанні, з захаваннем тэрытарыяльнай цэласнасці Рэспублікі Малдова ў яе міжнародна прызнаных межах і без парушэння яе праеўрапейскага вектара», — гаворыцца ў заяве.

МЗС Румыніі таксама заклікала да спакою і стрыманасці і адзначыла неабходнасць павагі прынцыпаў вяршэнства права і забеспячэння мірнага і ўсёабдымнага пераходу да выхаду з крызісу.

Нагадаем, з суботы ў Малдове фактычна склалася двоеўладдзе з двума ўрадамі і парламенцкай большасцю, легітымнасць якой папярэдняя ўлада не прызнае.

Парламенцкая большасць у складзе прарасійскай Сацпартыі і праеўрапейскага блока ACUM абрала кіраўніцтва парламента і прызначыла ўрад на чале з праеўрапейскім прэм'ерам Маяй Санду.

Папярэдняя ўлада лічыць усе суботнія рашэнні парламента нелегітымнымі. Абодва бакі абвінавачваюць адзін аднаго ва ўзурпацыі ўлады.

Каментары

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Беларускія сілавікі вывезлі затрыманага расійскага коміка ў лес і катавалі электрашокерам6

Беларускія сілавікі вывезлі затрыманага расійскага коміка ў лес і катавалі электрашокерам

Усе навіны →
Усе навіны

Украіна і Расія правялі анансаваны ўчора абмен палоннымі

Стала вядома аб затрыманні папулярызатара навукі з Гомеля2

Пасля таго, як ДАІ папужала новымі камерамі, беларусы выстраіліся ў чэргі на тэхагляд 9

Дзе нарадзіліся вядомыя беларусы? Больш за дзесяць тысяч асоб сабралі на адной карце10

Вакаліст македонскага гурта DNK вярнуўся ў клуб і загінуў у пажары, ратуючы сваіх юных прыхільнікаў2

Эканаміст Павел Данэйка расказаў, чаму заняўся ёгай

У Беларусі стала ў 11 разоў больш аленяў5

У Мінску стартаваў сезон арэнды электрасамакатаў. А што з цэнамі?

Беларускія сілавікі зламалі рэбры і хрыбетнік коміку Астаніну падчас затрымання ў Беларусі25

больш чытаных навін
больш лайканых навін

Беларускія сілавікі вывезлі затрыманага расійскага коміка ў лес і катавалі электрашокерам6

Беларускія сілавікі вывезлі затрыманага расійскага коміка ў лес і катавалі электрашокерам

Галоўнае
Усе навіны →

Заўвага:

 

 

 

 

Закрыць Паведаміць