Індыйскі бізнэсмен пажартаваў пра бомбу ў самалёце. Цяпер ён правядзе рэшту жыцця ў турме
У Індыі прысудзілі да пажыццёвага тэрміну мужчыну, які пажартаваў у самалёце пра бомбу, з-за чаго пілотам прыйшлося здзейсніць экстранную пасадку, піша Daily Mail.
Інцыдэнт адбыўся ў 2017 годзе. Лайнер накіроўваўся з Мумбая ў Нью-Дэлі. Гандляр алмазамі Біржу Кішор Сала вырашыў пажартаваць і пакінуў запіску на пачку з сурвэткамі ў прыбіральні бізнэс-класа. У ёй сцвярджалася, што на борце знаходзяцца злодзеі і закладзена бомба.
Запіску знайшла сцюардэса і паведаміла пра гэта камандзіру паветранага судна. Пасля гэтага пілот прыняў рашэнне пасадзіць самалёт у Ахмадабадзе (Індыя).
Тады мужчыну ўдалося пакінуць борт незаўважаным, аднак супрацоўнікі праваахоўных органаў выйшлі на след бізнэсмена ў 2018 годзе і арыштавалі яго. Мужчыну прад'явілі абвінавачанне ў спробе захапіць самалёт.
Акрамя пажыццёвага зняволення, Салу аштрафавалі на мільён даляраў.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары