Дэпутаты ў Літве запатрабавалі ад Adidas не выкарыстоўваць сімволіку СССР
У панядзелак літоўскія кансерватары заклікалі германскага гіганта па вытворчасці спартыўнага адзення Adidas спыніць гандаль адзеннем з савецкай сімволікай, піша Delfi.
Такі зварот палітыкі накіравалі ў сувязі з тым, што ў сацыяльных сетках пачалі распаўсюджвацца фота, дзе відаць, як у крамах Adidas у Лондане выстаўлены жаночыя майкі з гербам СССР.
«Міжнародныя карпарацыі павінны ўлічыць гістарычныя факты, паважаць памяць ахвяр і ўстрымацца ад заахвочвання савецкай настальгіі ці апраўдання злачынстваў, учыненых таталітарнымі рэжымамі», — гаворыцца ў звароце лідара кансерватараў і яго намесніка.
«У свеце бы сапраўды не зразумелі, калі б Adidas вырабіў тэматычную лінію адзення з нацысцкай сімволікай, аднак чамусьці на савецкія знакі заплюшчваюць вочы. Мы перакананыя, што ёсць і іншыя спосабы святкавання спартыўных перамог, а не ўслаўленне рэжыму, адказнага за смерці і пакуты мільёнаў», — гаворыцца ў звароце.
Літва была акупаваная СССР у 1940-1941 і ў 1944-1990 гадах.
Цяпер чытаюць
Айцішніка з «Варгеймінга» судзілі па расстрэльным артыкуле. Падобна, за падтрымку Украіны — праўда, зрабіць ён нічога не паспеў5
Каментары