Расія паказала касетныя бомбы на выставе пра вайну ў Сірыі. Раней там адмаўлялі, што ўжывалі іх падчас бамбардзіровак
Міністэрства абароны Расіі паказала на выставе ў ваенна-патрыятычным парку «Патрыёт» касетныя бомбы, якія выкарыстоўвалі падчас вайны ў Сірыі. Пра гэта гаворыцца ў расследаванні расійскай даследчай групы Conflict Intelligence Team.
Макеты бомбавых касет РБК-500 АТ-2,5РТ і РБК-500 ШОАБ-0,5 выставілі ў павільёне, пазначаным як «Экспазіцыя ўзбраення і ваеннай тэхнікі, што ўжываецца ў ходзе вядзення ваенных дзеянняў у Сірыйскай Арабскай Рэспубліцы».
У Conflict Intelligence Team лічаць, што макеты бомбавых касет на выставе фактычна даказваюць, што расійская авіяцыя выкарыстоўвае ў тым ліку і касетныя боепрыпасы. Пра гэта даследчая група гаварыла ў сваім расследаванні 2016 года.
У Мінабароны Расіі раней адмаўлялі, што выкарыстоўваюць касетныя боепрыпасы ў Сірыі. Афіцыйны прадстаўнік ведамства Ігар Канашэнкаў казаў, што на авіябазе Хмеймім такіх бомбаў наогул няма.
Цяпер чытаюць
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3737
Каментары