У Гродне смаркач на «Мерседэсе» двойчы падрэзаў і спыніў аўтобус ВІДЭА
У Гродне на вуліцы Будзёнага кіроўца Mercedes падрэзаў гарадскі рэйсавы аўтобус і цалкам спыніўся. Падышоўшы да кіроўцы грамадскага транспарту, мужчына з Mercedes заявіў: маўляў, машына зламалася. Канфлікт пачаўся яшчэ на вуліцы Карла Маркса, каля Галоўпаштамта. Кіроўца аўтобуса даслаў у рэдакцыю autogrodno.by відэа.
На запісе бачна, што каля з'езду на вуліцу Будзёнага кіроўца Mercedes спрабуе ўклініцца другім шэрагам. У гэтым месцы такое здараецца: паласа для павароту направа часта запаўняецца грамадскім транспартам і кіроўцы легкавікоў спрабуюць аб'ехаць затор.
Так ці інакш, Mercedes не змог стаць перад аўтобусам — разгарэўся канфлікт.
— Кіроўца Mercedes падрэзаў аўтобус двойчы, — напісаў аўтар відэа. — У аўтобусе быў поўны салон пасажыраў. А што адбывалася, на відэа ўсё бачна і зразумела.
Паколькі сітуацыя вядомая толькі з аднаго боку, узнікае пытанне: што такога магло адбыцца паміж кіроўцамі, каб выклікаць настолькі агрэсіўныя паводзіны? Не выключана, што не апошнюю ролю адыгралі «моцныя слоўцы», сказаныя ў бок кіроўцы Mercerdes.
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары