Абвешчаны конкурс па перадачы ў канцэсію Брынеўскага і Астражанскага радовішчаў.
Абвешчаны конкурс па перадачы ў канцэсію Брынеўскага і Астражанскага радовішчаў.
Брынеўскае радовішча гіпсу змешчана ў Петрыкаўскім раёне Гомельскай вобласці. Карысныя выкапні тамака — гіпс і ангідрыт. Агульныя пацверджаныя запасы гіпсаангідрытавага каменя ў радовішчы складаюць 381,8 млн т, у тым ліку гіпсавага каменя — 233,2 млн т. Выкапні залягаюць на глыбіні ад 150 до 400 м, таму геолагі рэкамендуюць шахтавы метад здабычы.
Рэкамендаваны гадавы аб’ём іх здабычы складае 1 млн т.
Гіпс найбольш выкарыстоўваецца для вырабу будматэрыялаў, у прыватнасці цэменту.
Астражанскае радовішча бентанітавых глінаў месціцца ў Лельчыцкім раёне Гомельскай вобласці. Прамысловыя запасы бентанітавых глінаў тут складае 12,3 млн т. Залягаюць яны неглыбока, таму здабываць іх маюць адкрытым спосабам. Рэкамендаваны гадавы аб’ём здабычы — не менш за 110 тыс. т. Бентанітавыя гліны ідэальныя ў якасці фармовачнае сыравіны ў ліцейнай вытворчасці.
Так што ў агляднай будучыні ў Беларусі будзе яшчэ адзін шахцёрскі край.
Сёлета мае быць таксама арганізаваны тэндэр на асваенне двух радовішчаў жалезных рудаў — Навасёлкаўскага і Аколаўскага, якія пашыраць пералік сыравіны, якой забяспечаная краіна.
Інвестыцыйныя прапановы прымаюцца па адрасе: 220048, Мінск, вуліца Калектарная,10, п. 535 да 10.00 3 жніўня 2009 году.
Цяпер чытаюць
Як беларусы ў Вільні адзначылі Дзень Волі ШМАТ ФОТА4
Як беларусы ў Вільні адзначылі Дзень Волі ШМАТ ФОТА
Часам нечаканая гісторыя беларускіх гімнаў: «Мы выйдзем шчыльнымі радамі», «Пагоня», «Жыве Беларусь», «Радзіма мая дарагая», «Магутны Божа» (з ВІДЭА)1111
Каментары