У Іркуцку ўступіў у сілу прысуд былому вайскоўцу-кантрактніку Аляксандру Новікаву, які атрымаў медаль за ўдзел у баях у Сірыі і пасля вяртання падарваў штаб палка. Пра гэта піша «Коммерсантъ».
Іркуцкі гарнізонны ваенны суд раней прысудзіў Новікава да пяці гадоў зняволення за хуліганства і незаконны абарот зброі. Апеляцыйная інстанцыя Усходне-Сібірскага акруговага ваеннага суда прызнала прысуд першай інстанцыі законным.
Па інфармацыі следства, мужчына праходзіў службу па кантракце ў асобным змешаным авіяцыйным палку і 24 мая 2018 года дзяжурыў у сталоўцы інжынерна-тэхнічнага складу. Там ён знайшоў брызентавую сумку з выбуховым прыстасаваннем з трацілам і гексагенам. Яго магутнасць была эквівалентная 1,3 кілаграма трацілу. Новікаў некалькі разоў перахоўваў бомбу, затым у тры гадзіны ночы 25 мая перанёс яе да будынка палка, паставіў на ганку, падпаліў кнот і ўцёк.
Будынку былі нанесеныя сур'ёзныя пашкоджанні — быў цалкам разбураны зашклёны калідор, а кавалкі канструкцый разляцеліся ў радыусе да 70—75 м.
Памочнік дзяжурнага па штабе атрымаў множныя траўмы, у тым ліку ў раёне галавы, шыі і рук. Праца штаба была паралізаваная, а часткі — дэзарганізаваная.
27 мая салдат напісаў яўку з павіннай, у якой указаў, што прыняў выбуховы пакет за навучальны і хацеў пажартаваць. Пазней свае дзеянні ён патлумачыў ужо жаданнем прыцягнуць увагу камандавання далёкай авіяцыі да праблем часткі і дрэннай працы вайскоўцаў. Пра якія менавіта праблемы ішла гаворка, не ўдакладняецца.
Цяпер чытаюць
Чацвёртую лінію мінскага метро павядуць у Дражню. А «Сляпянка» і «Даўгабродская» змянілі сваё месца2
Каментары