На лесанарыхтоўках у Магілёўскай вобласці загінуў рабочы, другі атрымаў цяжкія траўмы
Адразу два няшчасныя выпадкі пры нарыхтоўцы лесу адбыліся ў Магілёўскай вобласці ў адзін дзень з інтэрвалам 40 хвілін, паведамляе магілёўскае тэлебачанне.
Так, недалёка ад вёскі Дуброўка, што пад Магілёвам, на рубцы лесу на індывідуальнага прадпрымальніка, які нарыхтоўваў драўніну, упала дрэва. Ён загінуў. Папярэдне, прычынай трагедыі маглі стаць моцныя парывы ветру. А ў Клічаўскім раёне пры выкананні такіх жа работ сур'ёзна траўмаваны мясцовы рабочы. Яму на галаву зваліўся сук. У цяжкім стане пацярпелага забралі ў бальніцу. Ён у рэанімацыі.
Каментары