Аляксандр Лукашэнка пракаментаваў сітуацыю ў гомельскай школе №15, піша БелТА.
«Паехалі, наладзілі разборкі, сабралі знізу даверху начальнікаў. Абсікаліся, ад таго, бачыце, што ў сацыяльных сетках размясцілі. А абсікаўшыся, узялі і пакаралі гэтага беднага настаўніка. Ды я на месцы гэтага настаўніка галаву б адкруціў шчанюку нейкаму», — заявіў ён.
«У тэлефонах сядзяць там… Няўжо вы не разумееце, — у вас жа свае дзеці, — што тэлефон і іншыя гаджэты ў школе — гэта не толькі адцягненне ад заняткаў. Яны перастаюць думаць. Яны ж лічыць не ўмеюць, табліцу множання не ведаюць, бо адкрывае тэлефон і памнажаюць там. Ці шукае адказы на пытанні. Няўжо гэта нельга зразумець. У мяне сын прэзідэнта ні разу тэлефон у школу не ўзяў», — сказаў Лукашэнка.
«І было ж сказана. Не, адны рапарты. Нядаўна міністр дакладваў: рапартуюць, у іх усё выдатна. Ды не выдатна. Калі такі бардак у школе, не патрэбныя ні падручнікі, ні праграмы, ні новыя метадычкі. Усё гэта пустая трата грошай, — падкрэсліў Аляксандр Лукашэнка. — І там упаўнаважаныя ёсць, і там памочнікі ёсць. Я ўжо не кажу пра ўрад, Качанавай, якая ідэалогію вядзе. Вось яна такая ідэалогія. Чаго сабраліся? Судзілі-радзілі, стрэлачніка знайшлі. Углыб глядзіце!»
Звяртаючыся да губернатара Гомельскай вобласці Генадзя Салаўя, Лукашэнка сказаў: «У цябе куля праляцела каля вуха. Бо ты яшчэ там без году тыдзень. А то табе б было, што і ўсім астатнім».
За звальненне гомельскай настаўніцы пакараныя Качанава, Румас і Карпенка
Скандальную настаўніцу з Гомеля аднавілі па прамым указанні Лукашэнкі
«Я ў турму пайду, а табе п***ец будзе»: гомельская настаўніца кінулася на 4-класніка, бо той засмяяўся ВІДЭА
Настаўніцу, якая пагражала стукнуць школьніка партай і абражала яго, звольнілі
Цяпер чытаюць
Памятаеце вар’яцкую гонку ў Брэсце, падчас якой загінула трое? На ВІДЭА з экшн-камеры матацыкліста відаць, што ён разагнаўся да 186 км/г3
Каментары