У інтэрнэце з’явілася відэа, якое запісалі вучні чацвёртага класа школы №15 Гомеля. На ім настаўніца паводзіць сябе шакуюча: крычыць на вучняў і мацюкаецца.
Запіс апублікаваў партал Gomel.today.
З выказванняў настаўніцы можна зразумець, што яна несла парту, а вучань ці то сказаў нешта не тое, ці то засмяяўся. Пасля чаго выкладчыца кінулася на яго з крыкамі «Закрый рот!» і мацюкамі.
Такім чынам жанчына хацела навучыць дзяцей павазе.
«Пакуль не будзе павагі, не будзе ніякай рускай мовы. Павага важнейшая за рускую!» — паведаміла настаўніца.
Намесніца дырэктара школы №15 па вучэбна-метадычнай працы Вікторыя Балбасава паведаміла «Нашай Ніве»: «У нас нічога не адбылося». Пасля чаго кінула слухаўку.
Дапоўнена: Пазней стала вядома, што настаўніцу звольнілі.
Чытайце таксама: Настаўніцу, якая пагражала стукнуць школьніка партай і абражала яго, звольнілі
Цяпер чытаюць
Каледж хацеў засудзіць студэнта і спагнаць з яго 13 тысяч рублёў — але юнак даў адпор сістэме4
Каментары