Падраздзяленне парашутыстаў чачэнскага спецназа «Лятучы атрад» з 2016 года працуе ў нарвежскай частцы Арктыкі на архіпелагу Шпіцберген, паведамляе расійская «Новая газета». Яна прааналізавала даныя з інстаграмаў меркаваных спецназаўцаў.
Выданне прыводзіць некалькі здымкаў карыстальніка akhaev_07_95. На адным з іх мужчына зняты на фоне авіязапраўшчыка з надпісам «Svalbard lufthavn» («аэрапорт Шпіцбергена»). Фота мае геатэг «Spitsbergen». На ўніформе мужчыны бачная нашыўка парашутнага цэнтра DZ Grozny. Здымак зроблены ў лютым 2018 года.
На іншай фатаграфіі, якая датавана студзенем 2018-га, akhaev_07_95 знаходзіцца на фоне сцяга таго ж парашутнага цэнтра. У руках у яго зброя. Геатэг — «Longyerbyen» азначае горад Лонгійр, сталіцу нарвежскай часткі Шпіцбергена.
Выданне таксама спасылаецца на фота карыстальніка bes___600. Яно зроблена ў сакавіку 2018 года, на ім мужчыны ў вайсковай форме стаяць на фоне грозненскага аэрапорта. У каментарах аўтар напісаў: «Ліхі 16 год… На Арктыку выляталі». На пытанне пра таварыша, што адсутнічаў, ён адказаў: «Яны ў Нарвегію ездзілі тады. Па працы ездзілі».
Раней нарвежскае выданне AldriMer паведаміла пра высадку расійскіх спецпадраздзяленняў на Шпіцберген і мацерыковую Нарвегію для правядзення ваенных аперацый і разведкі. Пасольства Расіі ў Нарвегіі назвала гэтую інфармацыю «грубай правакацыяй».
Цяпер чытаюць
Сталі вядомыя падрабязнасці пра трагедыю ў Полацкім манастыры9
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары