Раўкоў: Меркаванні пра армію часта выказваюць канапавыя эксперты, якія да войска не маюць ніякага дачынення
Міністр абароны генерал-лейтэнант Андрэй Раўкоў узнагародзіў салдат тэрміновай службы, якія паказалі найлепшыя вынікі падчас службы, перадае БелТА.
У Цэнтральным доме афіцэраў адбылося ўшанаванне вайскоўцаў тэрміновай службы, якія дабіліся найлепшых вынікаў у баявой падрыхтоўцы ў 2018/2019 навучальным годзе. Таксама падзякі ўручылі іх мацярам. Узнагароды — гадзіннікі з гравіроўкай «ад міністра абароны Рэспублікі Беларусь» — салдаты і сяржанты атрымалі з рук кіраўніка абароннага ведамства Андрэя Раўкова.
«Салдацкі хлеб ніколі не быў лёгкім. І толькі той малады чалавек, які паспрабаваў, патрымаў у руках гэты хлеб, можа па праве называцца мужчынам. Сёння можна сустрэць масу меркаванняў аб тым, якой павінна быць армія, служба ў ёй, а таксама — патрэбна гэтая служба ці не. Прычым гэтае меркаванне ў большасці выпадкаў выказваюць так званыя канапавыя эксперты, якія да войска не маюць ніякага дачынення», — канстатаваў Андрэй Раўкоў.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары