Крыніцы: У Беларусі хочуць скараціць тэрміны крэдытных растэрміновак да пары месяцаў
У Беларусі збіраюцца забараніць крэдытныя растэрміноўкі ў крамах больш чым на 3—4 месяцы — нарада па гэтай тэме прайшла ў Міністэрстве гандлю і антыманапольнага рэгулявання на мінулым тыдні.
Пра гэта паведамляе ў сваім тэлеграм-канале журналіст Арцём Гарбацэвіч.
«Здаецца, прынцыповае рашэнне прынятае і пытанне толькі ў тым, калі яго ўводзіць: цяпер ці пасля прэзідэнцкіх выбараў», — піша ён са спасылкай на крыніцы.
Прычыны абмежавання не ясныя, у кулуарах намякаюць на тое, што пад прэзідэнцкія выбары ў краіне пачалі друкаваць грошы, а Нацбанк баіцца не ўтрымаць курс і шукае магчымасцяў зменшыць ціск на рубель.
«Наша Ніва» звярнулася ў Міністэрства гандлю з просьбай патлумачыць намеры абмежаваць тэрміны растэрміновак.
«Без каментароў, бо гэта працоўныя моманты. Разгляд пытанняў, вынікаў якога мы пакуль не можам абнародаваць», — адказалі ў прэс-службе.
Цяпер чытаюць
Коўл Лукашэнку: Табе трэба быць больш асцярожным, за сталом кепскіх пацаноў застаўся адзін ты10
Каментары