Лідары НАТА назвалі «расійскую пагрозу» і тэрарызм галоўнымі выклікамі
Актыўнасць Расіі застаецца сур'ёзным выклікам для НАТА, вынікае з дэкларацыі па выніках саміту членаў альянсу. «Агрэсіўныя дзеянні Расіі прадстаўляюць сабой пагрозу для еўраатлантычнай бяспекі», — адзначаецца ў дакуменце, прынятым па выніках сустрэчы лідараў 29 краін альянсу ў Лондане, піша РБК.
Члены НАТА збіраюцца і ў будучыні прымаць меры па абароне сваіх межаў і зніжэння ядзернай небяспекі з боку Масквы. «Мы прымаем і будзем працягваць узважана і адказна прымаць меры ў адказ на разгортванне Расіяй новых ракет сярэдняй далёкасці, якія прывялі да спынення дзеяння Дамовы аб ліквідацыі ракет сярэдняй і меншай далёкасці (ДРСМД) і ствараюць значныя рызыкі для еўраатлантычнай бяспекі», — гаворыцца ў дэкларацыі. У Расіі абвяргаюць разгортванне забароненых ракет і вінавацяць ЗША ў развале ДРСМД.
Пры гэтым альянс гатовы да ўзаемадзеяння з Расіяй. «Мы застаемся адкрытымі для дыялогу, а таксама для канструктыўных стасункаў з Расіяй, калі дзеянні Расіі робяць гэта магчымым», — адзначаецца ў выніковай заяве членаў НАТА. Масква застаецца найбуйнейшым саюзнікам альянсу і ў блоку зацікаўлены ў паляпшэнні дыялогу з Масквой, сказаў генеральны сакратар Енс Столтэнберг на прэс-канферэнцыі ў сераду.
Акрамя Расіі пагрозай у НАТА лічаць і глабальны тэрарызм, удакладняецца ў выніковай дэкларацыі. Альянс гатовы адбіць пагрозу, адкуль бы яна ні шла.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося2
Каментары