«Расія 1» анансавала паказ інтэрв'ю прэзідэнта Украіны Уладзіміра Зяленскага. Размова нібыта будзе паказана 15 снежня ў 22.00 ў праграме «Масква. Крэмль. Пуцін».
На «Расіі 1» адзначылі, што інтэрв'ю ўзяў карэспандэнт Павел Зарубін і назвалі яго «першым паўнавартасным інтэрв'ю» Зяленскага прадстаўнікам расійскіх СМІ.
Аднак пазней Уладзімір Зяленскі заявіў, што не даваў інтэрв'ю «Расіі 1». «Я не даваў інтэрв'ю тэлеканалу «Расія». У Парыжы пасля «нармандскай сустрэчы» ноччу журналістка ў мяне нешта спытала ў калідоры, я ёй нешта адказаў. Там было шмат журналістаў з розных краін», — сказаў прэзідэнт Украіны.
Цяпер чытаюць
Мацкевіч: Ціханоўскую зняць, замяніць, пераабраць нельга. Не мучайцеся. Нельга — і ўсё46
Каментары