Лукашэнка паабяцаў персанальную амністыю для тых, хто асуджаны за наркотыкі
Аб гэтым кіраўнік дзяржавы заявіў на сустрэчы са студэнтамі і выкладчыкамі медыцынскіх універсітэтаў, перадае БЕЛТА.
Кіраўнік дзяржавы нагадаў, што ў свой час у Беларусі было прынята шмат мер, у тым ліку і дастаткова жорсткіх, для процідзеяння распаўсюду наркотыкаў. І гэта дало станоўчы эфект — колькасць злачынстваў у наркасферы значна скарацілася. «Людзі пачалі баяцца. Але з іншага боку, я ж разумею: мы транзітная дзяржава. Сінтэтычныя наркотыкі нам вязуць у асноўным праз Польшчу, Літву з Заходняй Еўропы. Сяму-таму і нас тут ужо вучылі, але ў нас гэта небяспечна. У асноўным гэта завозіцца, — сказаў ён. — Нам вельмі цяжка змагацца з гэтым, асабліва калі ў інтэрнэт зайшоў — і яны існуюць адкрыта».
Аднак у правапрымяняльнай практыцы трэба дакладна падзяляць пакаранне. «Адна справа вырабляць, іншая справа — распаўсюджваць, а трэцяе — ужываць, - адзначыў Аляксандр Лукашэнка. — Напэўна, мы недаацанілі тое, што ўжыванне наркотыкаў — гэта хвароба. Хвароба шкодная, горш, чым піць, курыць. І з гэтым страшным злом трэба змагацца, і мы змагаемся і прынялі жорсткія рашэнні. Маці трэба было тады турбавацца за сваіх дзяцей».
«З іншага боку, паглядзеўшы на дзеянне нашых законаў, на іх жорсткасць, мы бачым, што дзесьці, напэўна, можна адступіць з тымі, хто патрапіў у гэтую бяду ў плане ўжывання наркотыкаў», - удакладніў ён.
Ён даў даручэнне, каб на разгляд кіраўніка дзяржавы ўнеслі прапанову аб памілаванні асобных асуджаных па арт.328 КК.
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін3
Што людзі кажуць аб праездзе праз «Брузгі» і «Бераставіцу» і чаму ў апошняй стаяць па 12 гадзін
«Наіўна спадзяваліся зарабляць у Еўропах, прыязджаць дадому лячыць зубы на халяву і здаваць кватэру». Прапаганда пачала апраўдваць дарагія жыроўкі для «дармаедаў»1818
Каментары