«Калі цябе чарговы раз вымылі, пракапалі, адчуваеш, што ты не мужык». Спявак Саша Нэма расказаў аб праблемах з алкаголем
Спявак прызнаўся, што меў сур’ёзныя праблемы з алкаголем — часам даходзіла да таго, што прапіваў заробак і аказваўся ў лякарні.
У праграме Белсата «Кожны з нас» Саша Нэма расказаў, што ў канцы 1990-х і пачатку 2000-х п’янкі ў грымёрках былі нормай.
«Шчыра прызнацца, выязджаючы на нейкі канцэрт, мы ўжо ў Мінску пачыналі весяліцца. Я ўжо не кажу пра тое, што было пасля канцэрту», — успамінаў спявак.
«У мяне такая была сітуацыя. Ты працуеш-працуеш, паездкі, канцэрты, і ты сур’ёзна эмацыйна выгараеш у гэтым рэжыме. Ты зарабляеш добрыя грошы, лічыш сябе добрым бацькам і сем’янінам, бо можаш сабе дазволіць многае для сваіх блізкіх зрабіць, і, натуральна, нейкім бонусам для сябе абіраеш — вось у мяне ёсць пара дзён расслабіцца», — распавёў Саша Нэма і дадаў, што праз два-тры дні такіх загулаў яму было страшна зазірнуць у свой гаманец.
Кінуць піць спявак здолеў дзеля жонкі.
«Калі цябе чарговы раз вынялі, адмылі, пракапалі і ўсё астатняе, і ты адчуваеш, што з табой няньчацца як з дзіцем, ты або не мужык, або рэальна кончаны алкаш».
«Нашай Ніве» артыст расказаў, што завязаў з алкаголем год таму.
«Выбраў такі алгарытм. Я не казаў сабе: усё, больш не п'ю. Бо так адразу адмовіцца псіхалагічна цяжка. Я вырашыў зрабіць паўзу, паўгода паспрабаваць пажыць без алкаголю. Праз час ты проста глядзіш на жыццё інакш. Ты перастаеш губляць час».
Новы год спявак таксама правёў без спіртнога — працаваў у Вільні.
Па словах Сашы Нэма, праблемы з алкаголем — не рэдкасць для беларускай эстрады.
«Я дакладна ведаю, што большасць могуць нармальна і добра выпіць.
Але пра гэта ніхто не кажа, бо ім гэта не перашкаджае працаваць. Мне перашкаджала».
Першага намесніка гендырэктара «Белвеста» пасадзілі на тры з паловай гады за палітыку6
Першага намесніка гендырэктара «Белвеста» пасадзілі на тры з паловай гады за палітыку
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца1717
Каментары