Аляксандр Лукашэнка плануе правесці вялікую сустрэчу з навукоўцамі для адкрытага абмеркавання праблем у іх сферы. Пра гэта ён заявіў сёння ў час размовы з навуковымі і навукова-педагагічным работнікамі пасля цырымоніі ўручэння дыпломаў доктара навук і атэстатаў прафесара, перадае БЕЛТА.
Старшыня Прэзідыума Нацыянальнай акадэміі навук Уладзімір Гусакоў падзякаваў кіраўніку дзяржавы за сустрэчу і запрасіў яго пабываць у навукоўцаў у гасцях. «Гатовыя паказаць і электратранспарт, і іншыя распрацоўкі. Усе даручэнні на кантролі», — адзначыў ён.
«Добра, я прыеду на «Тэсле», пастаўлю побач, — заявіў Лукашэнка. — Абавязкова прыеду для такой шчырай, як сёння, размовы, бо разумею, што мы проста нашых навукоўцаў не арыентуем. Яны атрымліваюць нешта са СМІ, іншых нейкіх крыніц. Раней, у савецкія часы, усё-такі было па-іншаму. Нам трэба інфармаваць не толькі працоўныя калектывы — мы гэта робім часцей, чым навукоўцаў. А што такое навуковец? Ты яго праінфармаваў — ён заўтра тысячы людзей павядзе за сабой у ідэалагічным плане».
«Таму мы сустрэнемся з навукоўцамі для таго, каб адкрыта пра жыццё пагаварыць, пра палітыку нашай дзяржавы. Мне вельмі важна было б, каб навукоўцы адкрыта выказаліся», — сказаў на заканчэнне Аляксандр Лукашэнка.
Цяпер чытаюць
Хто забараняе ў Беларусі кнігі — вось гэтыя 22 чалавекі15
Хто забараняе ў Беларусі кнігі — вось гэтыя 22 чалавекі
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары