Міністр фінансаў ЗША параіў Грэце Тунберг спачатку вывучыць эканоміку, а потым чытаць лекцыі
Міністр фінансаў ЗША Стывен Мнучын крытычна адазваўся пра 17-гадовую экаактывістку Грэту Тунберг, параіўшы ёй перад тым, як чытаць лекцыі сусветным лідарам, вывучыць асновы эканомікі ў каледжы, паведамляе CNN.
Адказваючы падчас Сусветнага эканамічнага форуму на пытанне пра тое, ці варта Амерыцы прыслухоўвацца да заклікаў Тунберг і адмовіцца ад выкапнёвага паліва, Мнучын адказаў: «Яна — галоўны эканаміст? Хто яна такая? Я заблытаўся». Мнучын дадаў, што рэмарка была жартам.
«Пасля таго, як яна вывучыць эканоміку ў каледжы, яна можа вярнуцца і нам растлумачыць», — сказаў міністр.
Мнучын назваў пытанні аховы навакольнага асяроддзя складанымі, узяўшы прыклад электрамабіляў, якія лічацца менш шкоднымі для прыроды, але батарэі, якія выкарыстоўваюць электрамабілі, маюць негатыўны ўплыў на экалогію.
Цяпер чытаюць
У Гомелі за палітыку асудзілі кіраўніка аб'яднання, якое шукае парэшткі ахвяраў вайны і сталінскіх рэпрэсій, і яго жонку-медсястру8
Каментары