Аляксандр Лукашэнка сёння прыняў з дакладам старшыню Дзяржаўнага мытнага камітэта Юрыя Сянько, перадае БЕЛТА.
Юрый Сянько праінфармаваў аб выніках работы мытных органаў у 2019 годзе. Пры гэтым Аляксандр Лукашэнка папрасіў звярнуць асаблівую ўвагу на фарміраванне даходнай часткі рэспубліканскага бюджэту — ці выкананыя даведзеныя паказчыкі.
«Другое пытанне — аб фарміраванні даходнай часткі бюджэту ў плане маіх даручэнняў у канцы мінулага года. Было даручэнне вам і ўраду (непасрэдна прэм'ер-міністру Румасу) аб дадатковых даходах рэспубліканскага бюджэту. Я хацеў бы пачуць, як спрацавала ваша ведамства», — сказаў кіраўнік краіны.
Ён адзначыў, што ў хуткім часе дзейнасць мытных органаў будзе разгледжана яшчэ больш падрабязна, у рамках справаздачы ўрада аб выніках працы эканомікі ў мінулым годзе. «Калі ёсць гарачыя пытанні, якія тычацца прыняцця рашэння прэзідэнта, калі ласка, я гатовы выслухаць», — дадаў кіраўнік дзяржавы.
«Па мытных плацяжах, якія павінны былі паступіць у бюджэт нашай краіны, — прагнозны паказчык, даведзены да нас Міністэрствам фінансаў, выкананы на 100,5%», — праінфармаваў Юрый Сянько.
Усяго за 2019 год праз беларускую мяжу на ўвоз і на вываз перамешчана 111 млн т тавараў, што на 3,2 млн т менш за паказчыкі 2018 года: у асноўным за кошт зніжэння транзіту вугалю з Расіі чыгуначным транспартам. Пры гэтым агульны транзітны паток пры ўвозе тавараў на тэрыторыю ЕАЭС праз Беларусь вырас на 5,4% і склаў 17,5 млн т, з іх 11,4 млн т - у Расію. Колькасць перамешчанага праз беларускую мяжу грузавога транспарту таксама вырасла на 5,1% да 2,3 млн адзінак. Гэта сведчыць аб павелічэнні нагрузкі на аўтадарожныя пункты пропуску.
За 2019 год у рэспубліканскі бюджэт паступіла звыш Br9 млрд плацяжоў, якія кантралююцца Дзяржаўным мытным камітэтам. Гэта амаль на Br400 млн (4,2%) менш, чым у 2018 годзе. Адна з прычын такога падзення - зніжэнне аб'ёмаў вытворчасці ў нафтавай галіне і вывазных мытных пошлін за экспарт нафтапрадуктаў (на 33,2%).
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым4
Каментары