У клубе Святланы Алексіевіч выступіць аўтар легендарнага «Вожыка ў тумане» Юрый Нарштэйн — 6 лютага
6 лютага, 19.00, канферэнц-зала гасцініцы «Беларусь» (Мінск, Старажоўская, 15). «Лінія Нарштэйна». Свабодная гутарка пра мастацтва.
Юрый Нарштэйн, выбітны расійскі рэжысёр-мультыплікатар, якому ў наступным годзе спаўняецца 80 гадоў, атрымаў за свой уклад у мастацтва ўсе магчымыя ўзнагароды і званні.
У 1968 годзе Нарштэйн дэбютаваў мультфільмам «25-га, першы дзень» (сумесна з Аркадзем Цюрыным), у якім былі выкарыстаны працы савецкіх мастакоў 1920-х гадоў: Лентулава, Альтмана і Пятрова-Водкіна. Фільм «Вожык у тумане »(1975) адкрыў асаблівы погляд на свет, ён заваяваў усіх. У Японіі ён стаў культавым фільмам. «Казка казак» (1979) прызнана «найлепшым анімацыйным фільмам усіх часоў і народаў» па выніках міжнароднага апытання, праведзенага акадэміяй кінамастацтва сумесна з АСІФА-Галівуд (ЗША) у 1984 годзе.
Выкладчыцкая праца, актыўная грамадзянская пазіцыя, удзел у дыскусіях па самых надзённых пытаннях — гэта таксама неад'емны бок жыцця мастака сёння.
На сустрэчы ў клубе пойдзе размова пра тое, што такое сучасная мультыплікацыя, і пра месца мастака ў сучасным свеце, пра яго права на ўласны лёс і стыль.
Уваход вольны.
Колькасць месцаў абмежаваная.
Цяпер чытаюць
Лукашэнка выказаўся пра дэфіцыт медыкаў і прапанаваў ім працаваць больш5
Каментары