Галоўны змагар са зладзеямі ў законе Ціхіня аказаўся ўцягнуты ў «цукровую справу»
Былы намеснік начальніка ГУБАЗіК МУС Уладзімір Ціхіня даваў фігурантам «цукровай справы» парады па канспірацыі. Такая інфармацыя агучаная ў эфіры БТ-1.
Чытайце таксама: КДБ затрымаў галоўнага змагара са зладзеямі ў законе Уладзіміра Ціхіню. Сын: Не за хабар
Як адзначаецца ў сюжэце, да карупцыйнай схемы ў цукровай галіне меў дачыненне былы намеснік начальніка ГУБАЗіК МУС Уладзімір Ціхіня: легендарны змагар з бандытызмам і карупцыяй у 1990-х і 2000-х нібыта згадзіўся за ўзнагароджанне страхаваць цукровую мафію і яе схему. У эфіры была паказаная аператыўная здымка.
Начальнік аддзела следчага ўпраўлення КДБ Канстанцін Бычак растлумачыў, што Уладзімір Ціхіня паведамляў удзельнікам злачыннай групы звесткі пра аператыўна-вышуковыя мерапрыемствы, даваў парады па канспірацыі, зачысткі слядоў супрацьпраўнай дзейнасці.
Паводле звестак тэлеканала, менавіта Уладзіміра Ціхіню, як самага дасведчанага, затрымалі першым з усіх удзельнікаў «цукровай мафіі».
«Камітэтам дзяржаўнай бяспекі распачатыя крымінальныя справы па ч. 3 арт. 430 (атрыманне хабару ў асабліва буйным памеры) у дачыненні да службовых асоб і па ч. 2 арт. 431 (даванне хабару ў буйным памеры) КК — у дачыненні да камерсантаў, якія давалі хабар. Цяпер расследаванне па крымінальнай справе працягваецца. Пад грузам неабвержных доказаў фігуранты даюць прызнальныя паказанні і супрацоўнічаюць са следствам», — праінфармаваў Канстанцін Бычак. Пакаранне — да 15 гадоў пазбаўлення волі.
23‑гадовага афіцэра брыгады спецназа асудзілі на 19 гадоў за «здраду дзяржаве»17
23‑гадовага афіцэра брыгады спецназа асудзілі на 19 гадоў за «здраду дзяржаве»
«Людзі каментавалі, што сальманела ўвайшла ў чат». Беларус паехаў працаваць у Крэмніевую даліну — і стаў кулінарным блогерам на 28 мільярдаў праглядаў88
Каментары