Аляксандр Лукашэнка заявіў, што падчас перамоваў з Уладзімірам Пуціным у фармаце сам-насам удалося абмеркаваць многія пытанні. Лідары краін зараз сустракаюцца ў пашыраным фармаце, перадае БЕЛТА.
«Мы сапраўды шмат пра што пагаварылі, дайшлі да глыбіні сівой мінуўшчыны ў нашым сумесным жыцці ў адной дзяржаве, абмеркавалі шмат гістарычных дат і момантаў (яны вядомыя). І абмеркавалі не толькі тыя пытанні, як Уладзімір Уладзіміравіч сказаў, што ўяўляюць узаемную цікавасць, але і якія тычацца і многіх нашых суседзяў, былых краін Савецкага Саюза, той палітыкі, якая цяпер праводзіцца намі, імі. Пра многае пагаварылі, дайшлі да сучаснасці і вырашылі ўжо не адзін на адзін, а з тымі, хто уключаны ў гэты працэс, працягнуць нашу размову», — адзначыў Лукашэнка.
Паводле яго слоў, потым лідары краін зробяць паўзу і працягнуць перамовы ў пашыраным складзе пасля прыбыцця астатніх членаў расійскай дэлегацыі. «У нас у праграме ёсць і іншыя пытанні. Калі прыедуць члены расійскай дэлегацыі сюды (неба нібыта ўжо праяснілася), тады мы і працягнем нашу гутарку. А наогул ёсць пра што гаварыць, ёсць над чым працаваць», — рэзюмаваў беларускі лідар.
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары