Колькасць загінулых з-за каранавіруса ў Кітаі павялічылася да 2442 чалавек
За мінулыя суткі ў Кітаі выявілі 648 новых выпадкаў каранавіруса, ахвярамі захворвання сталі 97 чалавек. Пра гэта паведамляе Нацыянальная камісія па ахове здароўя КНР.
Усяго да 23 лютага вірус выявілі ў 76 936 чалавек, агульная колькасць загінулых ад выкліканага ім захворвання павялічылася да 2442 чалавек. Пры гэтым дактары вылечылі і выпісалі 22 888 чалавек, у якіх пацвердзіўся дыягназ. Усяго ў свеце ад каранавіруса памёр 2 461 чалавек.
Другое месца пасля Кітая па колькасці заражаных, як падлічыла South China Morning Post, займае Японія. Па апошніх даных, каранавірус там выявілі ў 751 чалавека, некалькі заражаных загінулі. У ЕС па ліку заражаных лідарам стала Італія. Да 23 лютага ў 79 выпадках там пацвердзілі каранавірус, два чалавекі памерлі (два дні таму ў двух рэгіёнах Італіі ў агульнай суме налічвалася 17 заражаных).
«Засяроджуся на працы з ЗША». Ціханоўскі расказаў пра свае палітычныя планы на 2026 год22
Каментары