Сустаршыня БХД, пісьменнік Павел Севярынец 25 лютага правёў сустрэчу з грамадскасцю ў Гомелі. На мерапрыемства ў абласным цэнтры прыйшло каля 70 чалавек. Некаторыя звярнулі ўвагу, што Севярынец на частку пытанняў адказваў па-руску. Чаму так сталася? Пра гэта «НН» адказаў сам палітык.
«Сябры БХД з Гомеля перад сустрэчай папрасілі мяне адказваць на пытанні на мове звароту. Матывавалі тым, што некаторыя альбо цалкам не зразумеюць, альбо не зразумеюць дэталяў. Мы вырашылі з камандай, што зробім такі эксперымент.
Падчас стрыму для ютуб-канала «Краіна для жыцця» таксама спыталі, а ці можа Павел Севярынец увогуле размаўляць па-руску, ці разумее ён рускую мову? Можна сказаць, што размяўся ў Гомелі на веданне рускай мовы.
Чалавекі чатыры задавалі пытанне па-беларуску, ім адказваў па-беларуску. Асноўная частка выступу таксама была па-беларуску», — расказаў Севярынец.
Павел Севярынец — адзін з удзельнікаў праймерыз па вызначэнні адзінага кандыдата ад апазіцыйных партый.
«Анліфаншчыца з Пінска» кажа, што яна не анліфаншчыца і не ў рабстве ў М'янме6
Каментары