Дзікасць: у Мінску педагог прыйшоў у кабінет дырэктара і зрабіў сабе харакіры
18 лютага ў Мінскім палацы дзяцей і моладзі адбылося надзвычайнае здарэнне: педагог Андрэй С. прыйшоў у кабінет да дырэктара, дастаў нож і пачаў біць і рэзаць сабе жывот.
Калегі па Палацы дзяцей і моладзі ў размовах з «Нашай Нівай» апісваюць Андрэя як «выдатнага мужчыну» і не могуць падабраць слоў, каб апісаць здарэнне, бо прычыны ім не ясныя.
Пацярпелы працаваў у аддзеле тэхнічнай творчасці і спорту, яму было троху за 50 год.
Медыкі на выклік прыехалі хутка. Андрэй С. выжыў, цяпер ён у рэанімацыі.
Адміністрацыя не каментуе здарэнне, звязацца з самім Андрэем пакуль немагчыма — у месенджарах апошні раз ён быў у дзень здарэння, хатні тэлефон адключаны.
Крымінальную справу пакуль не завялі. Міліцыя праводзіць праверку, паведамілі «Нашай Ніве» ў Міністэрстве ўнутраных спраў.
Цяпер чытаюць
Качанава прапанавала ўвесці адказнасць за «няпраўду ў тыктоку»11
Каментары