На заводах Christian Dior, Guerlain і Givenchy будуць вырабляць санітайзары
Кіраўнік групы кампаній Louis Vuitton Moët Hennessy (LVMH) Бернар Арно, які з'яўляецца найбагацейшым чалавекам Еўропы, уступіў у барацьбу з каранавірусам, паведамляе BBC.
LVMH пачала вырабляць на сваіх заводах, якія звычайна выпускаюць духі і касметыку элітных брэндаў Christian Dior, Guerlain і Givenchy, санітайзары — антыбактэрыйныя гелі для дэзынфекцыі рук.
LVMH збіраецца бясплатна пастаўляць антысептык установам аховы здароўя ў Францыі. У групе кампаній заявілі, што будуць выпускаць санітайзары так доўга, як гэта будзе неабходна.
Бернар Арно з'яўляецца трэцім найбагацейшым чалавекам у свеце. Багацце Арно складае 80 мільярдаў даляраў, хаця да пачатку пандэміі яго асабісты капітал быў вышэйшы за 100 мільярдаў даляраў.
Каментары