На акцыю пратэсту супраць акумулятарнага завода ў Брэсце выйшлі некалькі соцень людзей у масках
У нядзелю, 12 красавіка, Берасьці прайшла чарговая акцыя праціўнікаў будаўніцтва акумулятарнага заводу ля Берасьця. Гэта была першая акцыя пасьля паведамленьня аб станоўчых выніках чарговай экалягічнай экспэртызы заводу. У мітынгу і шэсьці прынялі ўдзел каля 200 чалавек, піша «Радыё Свабода».
«Сёньня сабралася каля 200 чалавек тут, гэта значна больш, чым звычайна, — расказаў «Свабодзе» адзін з праціўнікаў будаўніцтва заводу, праваабаронца Раман Кісьляк. — Людзі абураныя. Апошняя экалягічная экспэртыза, якую завод прайшоў пасьпяхова, паказвае, што ўлады далі яго ўласьнікам карт-блянш на запуск прадпрыемства».
Акцыя працягвалася больш за гадзіну. Падчас мітынгу і шэсьця затрыманьняў удзельнікаў не было.
Большасць людзей прыйшла ў масках і марлевых павязках.
Акумулятарны завод ТАА «АйПаўэр» пабудаваны на прамысловай пляцоўцы «Аэрапорт» у СЭЗ «Брэст», паблізу вёсак Хабы, Шчэбрын і Тэльмы-2. На заводзе плянуецца наладзіць поўны цыкл вытворчасьці сьвінцова-кіслотных акумулятарных батарэй. Жыхары Берасьця і Берасьцейскага раёна лічаць, што прадпрыемства пагражае іх здароўю. Актывісты выявілі шэраг парушэньняў пры рэалізацыі праекта.
Цяпер чытаюць
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары