Мінчук зарабіў 70 тысяч, прадаючы звычайныя маскі пад маркай рэспіратараў
Больш за 300 чалавек маглі стаць ахвярамі махлярства з рэспіратарамі, паведамляе Камітэт дзяржкантролю.
Па гэтай справе затрымалі і ўзялі пад варту ў ізалятар часовага ўтрымання мінчука. На продажы масак пад выглядам рэспіратараў ён мог зарабіць больш за 70 тысяч рублёў.
Мужчына прымаў праз інтэрнэт заказы на рэспіратары сусветных вытворцаў з класам абароны FPP2 і FPP3. Прадаваў тавары праз сваю жонку, зарэгістраваную ў якасці індывідуальнага прадпрымальніка. Патэнцыйных пакупнікоў мужчына пераконваў, што рэспіратары маюць неабходныя сертыфікаты, аднак у рэчаіснасці гэта былі павязкі сумнеўнай якасці і без маркіроўкі.
Аплата за тавар ажыццяўлялася накладзеным плацяжом, яго дастаўлялі кур'еры «Белпошты». Такім чынам, пакупнікі не маглі праверыць тавар да разліку з кур'ерам і адмовіцца ад яго атрымання. Павязкі замест рэспіратараў маглі набыць звыш 300 чалавек, а агульная сума шкоды можа скласці больш за 70 тысяч.
На сваіх сайтах мінчук называў два нумары тэлефона: адзін — для кансультацыі перад продажам тавару, другі — для накіравання прэтэнзій. Па словах пакупнікоў, датэлефанавацца па другім нумары ім так і не ўдалося.
Завялі крымінальную справу.
Цяпер чытаюць
Зорка брэйкдансу з Віцебска атрымаў 11 гадоў турмы ў Кітаі. Што здарылася?8
Каментары