«Няма сіл трываць, але трэба»: у Крамлі параілі расіянам не расслабляцца і не выходзіць на вуліцы
Рост колькасці выпадкаў заражэння каранавіруснай інфекцыяй COVID-19 сведчыць, што супакойвацца расіянам пакуль рана, заявіў журналістам прэс-сакратар прэзідэнта Дзмітрый Пяскоў, піша РБК.
«Пакуль яшчэ далёка не час супакойвацца і далёка не час расслабляцца і выходзіць на вуліцы», — сказаў прадстаўнік Крамля. Ён таксама нагадаў аб словах прэзідэнта Уладзіміра Пуціна, які напярэдадні майскіх святаў заклікаў расіянаў «праявіць гранічную адказнасць і асцярожнасць».
«Ён сказаў, што разумее, што ўжо няма сіл трываць гэтую самаізаляцыю, але з іншага боку, ён заклікаў усіх да таго, каб усё-ткі разам аб'яднацца і ўжо даседзець у гэтым рэжыме астатні тыдзень», — патлумачыў Пяскоў.
Прэс-сакратар прэзідэнта дадаў, што рашэнне аб паэтапным зняцці рэжыму абмежаванняў будзе прымацца па заканчэнні травеньскіх святаў (непрацоўныя дні ў Расіі ў адпаведнасці з указам Пуціна працягнутыя да 11 траўня).
Напярэдадні, 29 красавіка, Расспажыўнагляд апублікаваў рэкамендацыі аб правядзенні майскіх святаў. У прыватнасці, ён параіў не хадзіць у госці і не прымаць гасцей, а пры выездах на прыроду і дачы выконваць шэраг правілаў.
У Расіі па стане на раніцу 30 красавіка зафіксавана 106 498 выпадкаў каранавіруса, прычым 7099 за апошнія суткі. За ўвесь час памерлі 1073 чалавекі, 101 учора.
Цяпер чытаюць
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе23
Вячорка: Сустрэча Сікорскага з Рыжанковым можа ўдарыць па стаўленні да беларусаў у Еўропе
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1111
Каментары