Усе кандыдаты будуць выступаць па тэлебачанні 21 і 28 ліпеня. І гэта далёка не прайм-тайм
Выступы па ТБ пачнуцца са Святланы Ціханоўскай, фота Надзеі Бужан
Сёння ЦВК вызначыў і чарговасць выступаў кандыдатаў у прэзідэнты па радыё і на тэлебачанні («Беларусь-1»).
На тэлеканале «Беларусь-1» усе выступы будуць 21 і 28 ліпеня (гэта аўторкі). На выступ яны будуць мець паўгадзіны.
21 ліпеня Святлана Ціханоўская будзе выступаць з 17:00 да 17:30, затым з 17:30 да 18:00 — час Ганны Канапацкай. У 18:00 пачнецца эфір Сяргея Чэрачня, а з 18:30 — Андрэя Дзмітрыева.
28 ліпеня расклад такі:
Сяргей Чэрачэнь з 17:00, затым — Андрэй Дзмітрыеў, пасля — Святлана Ціханоўская (18:00) і пры канцы Ганна Канапацкая (з 18:30 да 19:30).
Што да радыё, то Андрэй Дзмітрыеў зможа выступіць 20 ліпеня з 8:30 да 9:00 і 29 ліпеня з 8:00 да 8:30.
Святлана Ціханоўская: 20 ліпеня з 8:00 да 8:30, 29 ліпеня з 8:30 да 9:00.
Ганна Канапацкая: 22 ліпеня з 8:00 да 8:30 і 27 ліпеня з 8:00 да 8:30.
Сяргей Чэрачань: 22 ліпеня з 8:30 да 9:00 і 27 ліпеня з 8:30 да 9:00.
Аляксандр Лукашэнка, як і падчас папярэдніх кампаній, адмовіўся ад выступаў па радыё і тэлебачанні.
Тэледэбаты павінны адбыцца 30 ліпеня.
Каментары