Як паведаміла БелаПАН загадчыца аддзела грамадскага здароўя Рэспубліканскага цэнтра гігіены, эпідэміялогіі і грамадскага здароўя Вольга Бартман, мэта акцыі — інфармаванне людзей аб сардэчна‑сасудзістых захворванняў і мерах іх прафілактыкі.
У гэты дзень спецыялісты‑кардыёлагі правядуць кансультацыі ў паліклініках і Мінскім гарадскім кардыялагічным дыспансеры.У дыспансеры будзе арганізавана міні‑акцыя «Беражы сэрца»: усім супрацоўнікам і наведнікам памераюць ціск і раздадуць інфармацыйныя матэрыялы.
Сардэчна‑сасудзістыя захворванні (ССЗ) з’яўляюцца асноўнай прычынай смяротнасці ў свеце. Паводле звестак галоўнага пазаштатнага кардыёлага Міністэрства аховы здароўя Аляксандра Мрочака, у Беларусі доля хвароб сістэмы кровазвароту ў структуры агульнай смяротнасці насельніцтва ў 2008 годзе склала 52,6%. Усяго летась на 10 тыс. дарослага насельніцтва прыпадала 297,5 чалавека з такімі захворваннямі. У параўнанні з 2007 годам на 3,6% павялічылася колькасць людзей, якім упершыню дыягнаставалі хваробы сістэмы кровазвароту.
Рост захворвання, на думку медыкаў, абумоўлены такімі фактарамі, як агульнае старэнне насельніцтва, высокія псіхаэмацыянальныя нагрузкі, фінансава‑эканамічны крызіс, і іншымі.
Асабліва вялікая рызыка ССЗ у мужчын сталага ўзросту, многія з якіх вядуць малаактыўны лад жыцця, кураць і злоўжываюць алкаголем. Рызыка захворвання павышаецца пры артэрыяльнай гіпертэнзіі, дысліпідэміі, атлусценні, цукровым дыябеце.
Для прафілактыкі ССЗ медыкі рэкамендуюць адмовіцца ад курэння, штодзённа ўжываць агародніну і садавіну, хадзіць па тры кіламетры ў дзеньабо займацца на працягу паўгадзіны любымі іншымі фізічнымі практыкаваннямі з умеранай нагрузкай, пазбягаць атлусцення і прымаць прафілактычныя меры супраць захворвання на цукровы дыябет.
Трагедыя з 30‑гадовай доктаркай са Старобіна — пайшла выдаляць зуб мудрасці і памерла24
Каментары