Суд Першамайскага раёна Мінска 16 красавіка адмовіўся задаволіць скаргу актывіста апазіцыі Змітра Хведарука.
Суд Першамайскага раёна Мінска 16 красавіка адмовіўся задаволіць скаргу актывіста апазіцыі Змітра Хведарука, прымусова закліканага ў армію, паведаміў БелаПАН праваабаронца Вячаслаў Сіўчык. Паводле яго слоў, Д.Федарук мае намер абскардзіць рашэнне суддзі Наталлі Петух у вышэйшай інстанцыі.
28 студзеня Д.Федарук быў затрыманы ў сваёй кватэры, а на наступны дзень медкамісія прызнала яго прыгодным да ваеннай службы. Пазней ён быў дастаўлены ў вайсковую часць № 18662 транспартных войскаў у Жодзіне (Смалявіцкі раён Мінскай вобласці). 24 лютага яму была зроблена аперацыя ў сувязі з варыкозным пашырэннем вен. Цяпер Д.Федарук знаходзіцца на лячэнні ў шпіталі ў Печах.
Пасля завяршэння судовага працэсу быў затрыманы актывіст міжнароднага грамадскага аб’яднання «Малады фронт» (Чэхія) Алесь Любянчук, які здымаў працэс на відэакамеру. Непасрэднай падставай для затрымання стала здымка А.Любенчуком невядомага ў цывільным, які, у сваю чаргу, здымаў удзельнікаў працэсу. Пры затрыманні малады чалавек быў збіты, зазначыў В.Сіўчык.
А.Любенчука даставілі ў Першамайскі РУУС, але з‑за пажару ў будынку міліцэйскага ўпраўлення яго змясцілі спачатку ў размешчаны побач будынак выцвярэзніка, паведаміў В.Сіўчык. Пасля таго як пажар быў патушаны, актывіста перавялі ў дзяжурную часць УУС. У дачыненні да яго складзены пратакол за дробнае хуліганства. Суд пройдзе 17 красавіка.
Да будынка РУУС прыбыў фотарэпарцёр Уладзімір Грыдзін. Ён паспеў зрабіць толькі адзін здымак і быў затрыманы. Пасля яго адпусцілі. У.Грыдзін мае намер падаць скаргу ў пракуратуру ў сувязі з затрыманнем і збіваннем.
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?12
Хто той палітвязень з Іванава, які выплаціў $600 тысяч кампенсацыі за данаты і ўсё адно атрымаў вялікі тэрмін?
«На працягу 30 гадоў незалежнасці беларускамоўныя бюлетэні задавальнялі ўсіх». Камуністы абвінавацілі Бондараву ў распальванні варожасці на моўнай глебе1616
Каментары