Бізнэс у Беларусі рыхтуецца да спынення падтрымкі пакета SAP Business Suite 7, куды ўваходзіць папулярная сістэма SAP ERP 6.0. Адбудзецца гэта ў канцы 2027 года, але «прапампавацца» лепш загадзя. Згодна са звесткамі IBA Group, многія кампаніі ўжо пераходзяць на больш сучасную платформу — SAP S/4HANA.
Калі гадамі працаваць у адной сістэме і не абнаўляць яе, яна з кожным годам усё больш разрастаецца і ўсё мацней старэе. Калі своечасова нічога не зрабіць, то ўзнікнуць цяжкасці: недзе версія не будзе адпавядаць, дзесьці не атрымаецца запусціць праверку або выкарыстаць модулі. Сістэма, якая састарэла ўжо сёння, праз 7 гадоў састарэе канчаткова, а адмовіцца ад яе ўсё адно давядзецца, адзначаюць эксперты.
Яны раяць выдаткаваць гэты час на знаёмства з сістэмай S/4HANA, якая будзе актуальнай мінімум да канца 2040 года. Яе адрозніваюць высокая прадукцыйнасць, аналітыка ў рэжыме рэальнага часу, магчымасці выкарыстання воблачных рашэнняў і просты інтэрфейс.
Цяпер больш за 3500 карыстальнікаў працуюць у сістэмах SAP S/4HANA, якія рэалізаваны IBA Group у розных краінах. Залаты сэрвісны партнёр SAP валодае статутамі SAP S/ HANA і HANA Recognized Expertise.
Пры «міграцыі» платформаў важна перанесці ўсе неабходныя звесткі. Чым іх менш, тым усё танней і хутчэй. Таму спецыялісты раяць ужо цяпер правесці тэхнічную ацэнку. Яна пакажа, колькі часу і рэсурсаў спатрэбіцца для пераходу, як спланаваць працу, якія магчымыя рызыкі і новыя магчымасці. А далей можна вырашаць: укараняць новую ERP цяпер, праз год ці 5 гадоў.
Тэхнічная ацэнка каштуе у дзясяткі разоў танней, чым сама «міграцыя». Адзнака залежыць ад памеру сістэмы і займае ад 2 тыдняў да 2-3 месяцаў. На саму «міграцыю» трэба ад 3 да 7 месяцаў у залежнасці ад памеру кампаніі. Пры гэтым у IBA вылучаюць 4 сцэнары — ад новага ўкаранення да пераўтварэння і трансфармацыі.
«Перайсці на S/4HANA як мага раней варта яшчэ і для таго, каб не ўзнікала праблем з абнаўленнямі і «міграцыяй» звестак. Для некаторых кампаній таксама актуальны пераход на яе воблачную версію. Тым больш што ў ёй даступныя многія магчымасці для лічбавай трансфармацыі бізнэсу», — адзначаюць у IBA Group.
-
Штучны інтэлект рашыў задачу Наўе—Стокса, якую людзі не маглі разгадаць 90 гадоў. Гісторыя, аднак, абярнулася скандалам
-
Інжынер з Anthropic звольніўся, каб папярэдзіць, што ШІ вось-вось можа выйсці з-пад кантролю
-
ШІ-генерацыю ў відэагульнях крытыкавалі, а цяпер захапляюцца. Злітая тэхналогія ад NVIDIA ператварае старыя гульні ў сапраўдны кінематограф
Лукашэнка: Што творыцца ў краіне, у нас усе гэтую гусь круцяць30
Лукашэнка: Што творыцца ў краіне, у нас усе гэтую гусь круцяць
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5858
Каментары