Новае ток-шоу на БТ: Эйсмант і сем экспертаў абмяркоўвалі мэты Ціханоўскай без самой кандыдаткі
У серадовым вечаровым эфіры «Беларусь 1» з’явілася новае ток-шоу «Зразумелая палітыка плюс». Яго вядучыя — Вікторыя Сянкевіч і старшыня Белтэлерадыёкампаніі Іван Эйсмант.
Насупраць вядучых у студыі стаяць чацвёра экспертаў, усе яны маюць падобную пазіцыю.
Напрыклад, у першым выпуску праграмы выказваліся звыклыя тэлеперсанажы Аляксандр Шпакоўскі і Аляксей Аўдонін, а таксама кіраўнік тэлеканала «Мір» Уладзімір Пярцоў і першы намеснік міністра ўнутраных спраў Генадзь Казакевіч.
Пасля перапынку іх змяніў камуніст Георгій Атаманаў разам з Вадзімам Гігіным і Аляксеем Дзермантам. Пярцоў жа адстаяў за трыбунай абедзве паловы праграмы.
Праграма працягвалася амаль паўтары гадзін, але ніводнаму эксперту з альтэрнатыўным меркаваннем слова так і не далі.
Раней праграма з падобнай стылістыкай і падобнымі дэкарацыямі называлася проста «Зразумелая палітыка». Яе вядучы Сяргей Гусачэнка на працягу 15-20 хвілін зачытваў тэкст з суфлёра. Карцінку разнастайвалі сюжэты па тэме.
Цяпер чытаюць
«У такую ж галечу, ды яшчэ і халодную, пакістанцы не паедуць». Беларус пяць тыдняў правёў у Пакістане — вось што яго ўразіла16
Каментары