Валянцін Стэфановіч: Вынікі выбараў дэвальвуе не «Голас», а дзеянні ЦВК
Старшыня Цэнтрвыбаркама Лідзія Ярмошына выступіла з відэазваротам. Сярод некалькіх тэм, якія яна закранула падчас свайго выступу, была і ацэнка дзейнасці інтэрнэт-платформы «Голас» для альтэрнатыўнага падліку галасоў.
У прыватнасці, Ярмошына назвала платформу «Голас» шкодным і злачынным праектам.
Эксперт кампаніі «Праваабаронцы за свабодныя выбары» Валянцін Стэфановіч прытрымліваецца іншага меркавання:
«Менавіта Цэнтрвыбаркам пад кіраўніцтвам Лідзіі Міхайлаўны шмат чаго зрабіў для дэвальвацыі даверу да афіцыйных вынікаў выбараў у нашай краіне, а таксама для страты даверу да ўсяго выбарчага працэсу.
Калі б улады імплементавалі шматлікія рэкамендацыі БДІПЧ АБСЕ, рэкамендацыі нацыянальных незалежных назіральнікаў, зрабілі працэдуру падліку галасоў празрыстай і транспарэнтнай, то і не ўзнікала б патрэбы ў падобных грамадскіх ініцыятывах. А ва ўмовах масавага нядопуску назіральнікаў і правядзення цалкам закрытых для грамадскасці выбараў якраз афіцыйныя даныя ЦВК могуць паслужыць падставай для масавых акцый пратэсту па ўсёй краіне».
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак4
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары