Аб гэтым ён заявіў сёння на нарадзе ў Мінску, піша БелТА.
«Галоўнае для нас — эканоміка. Калі ў нас будуць нармальна працаваць прадпрыемствы, нам не страшныя ніякія катаклізмы. З вуліцай мы справімся, як бы ім ні хацелася дэстабілізаваць гэтую абстаноўку», — заявіў Лукашэнка.
Ён адзначыў, што ўжо ўсе людзі адчулі, што дзейнаму прэзідэнту ёсць на каго абаперціся. «Ужо ў мітынгах у падтрымку міру, спакою, дзеючага прэзідэнта выступіла каля 3 млн чалавек. Гэта ж сілішча — 3 млн чалавек, — сказаў Аляксандр Лукашэнка. — Наш электарат больш спакойны: ветэраны, пенсіянеры, спецыялісты. Яны ведаюць сваю справу, працуюць. Таму мы і будзем мець тую колькасць людзей — 80%, якія за нас прагаласавалі».
«Таму трэба жыць спакойна, займацца кожнаму сваёй справай. А што тычыцца мяне, сілавых структур і іншых, мы будзем займацца таксама сваёй справай. Выключна па законе. Таму трэба разгарнуць Біблію, я маю на ўвазе закон, і чытаць: гэта —санкцыі такія, вось гэта — санкцыі такія. Мы не крыважэрныя, мы не збіраемся нікога душыць, ганяць па вуліцах, калі нас да гэтага не вымушаюць», — адзначыў ён.
Ён падкрэсліў, што ўлады абавязаныя абараніць людзей.
«Людзі стаміліся, людзі зразумелі, што такое жыць у спакойным горадзе-героі Мінску, а што такое, калі бамбяць вуліцы, калі на балконы закідваюць кактэйлі Молатава і іншыя, пакуль петарды. Не дай бог пачнуць кідаць гранаты. Ужо вакол нашай краіны сфарміраваліся групоўкі, якія гатовыя сюды прыйсці і распаліць гэты пажар. Мы гэтага дапусціць не можам. Я гэта кажу прама і не збіраюся нікога закалыхваць», — рэзюмаваў Аляксандр Лукашэнка.
Цяпер чытаюць
«Я тая самая ў футры». Маладая швачка працавала ў футры, пакуль дзяржТБ расказвала, што на фабрыцы ў Жлобіне не холадна3
Каментары