Лукашэнка: Калі альтэрнатыўныя сілы прыйдуць да ўлады, то будуць рэзаць людзей і іх дзяцей
«Я напружваюся толькі з адной нагоды: хачу абараніць тое, што мы стваралі чвэрць стагоддзя сваімі рукамі. Мы з руін і попелу ўзнялі гэтую краіну», — заявіў Аляксандр Лукашэнка ў Баранавічах, піша БелТА.
Ён падкрэсліў, што яго падтрымліваюць мільёны людзей, і ён асцерагаецца, што калі альтэрнатыўныя сілы прыйдуць да ўлады, то парэжуць усё на кавалкі, пачнуць рэзаць гэтых людзей і іх дзяцей. «Вось што мяне больш за ўсё турбуе. Не ўладу, як у Расеі некаторыя кажуць: «Лукашэнка ссінелымі пальцамі трымаецца за ўладу». Я не хачу, каб парэзалі на кавалкі маю краіну, якую я ляпіў на абломках імперыі, і не хачу, каб парэзалі сумленных, прыстойных людзей, якія працавалі на гэта. Гэта будзе не люстрацыя, як некаторыя кажуць. Гэта будзе разня. І тое, што адбылося ва Украіне, будзе кветачкамі», — сказаў кіраўнік дзяржавы.
Цяпер чытаюць
«Жэня пагадзіўся на будоўлю, а не ваяваць. І толькі калі выйдзе з запою!»: як прадалі ў расійскую армію жыхара Лёзна. Ахвяра не адна5
Каментары