Еўрасаюз заклікае ўлады Беларусі неадкладна вызваліць усіх затрыманых падчас пратэстаў і абяцае ўвесці санкцыі ў дачыненні да асоб, «адказных за гвалт, рэпрэсіі і фальсіфікацыю вынікаў выбараў» у краіне. Пра гэта гаворыцца ў заяве кіраўніка дыпламатыі ЕС Жазэпа Барэля, распаўсюджанай у панядзелак увечары ў Брусэлі.
«ЕС чакае ад беларускіх уладаў неадкладнага вызвалення ўсіх затрыманых па палітычных матывах да і пасля фальсіфікаваных 9 жніўня прэзідэнцкіх выбараў. Мы чакаем, што ўлады спыняць палітычныя пераследы і ўключацца ў інклюзіўны нацыянальны дыялог пры поўным выкананні дэмакратычных і асноўных правоў беларускага народа, — адзначаецца ў ім. — ЕС увядзе санкцыі ў дачыненні да асоб, адказных за гвалт, рэпрэсіі і фальсіфікацыю вынікаў выбараў».
Цяпер чытаюць
Хто такі Мацвей Бяляй, якога нібыта дэпартавалі ў Беларусь? Расказваем гісторыю дзіўнага актывіста з падазроным мінулым2
Каментары