У нядзелю, 20 верасня міліцыя страляла ў паветра і распыляла ў вочы пратэстоўцаў слезацечны газ, піша «Брэсцкая газета».
Чарговая акцыя пратэсту, якая атрымала назву Марш справядлівасці, у Брэсце не абышлася без «хапуна». Колькі людзей затрымалі сілавікі, афіцыйна пакуль што невядома. Праваабаронцы апублікавалі спіс затрыманых на акцыях пратэсту 20 верасня па ўсёй Беларусі. На 20:00 у ім 133 прозвішчы, у тым ліку 6 людзей з Брэста. Адзначаецца, што адзін берасцеец быў моцна збіты. Спіс абнаўляецца і дапаўняецца.
Калі ў мінулую нядзелю пратэстоўцаў у Брэсце разганялі вадамётам, то сёння распылялі ў твар газ. Як растлумачылі ў МУС, «для спынення супрацьпраўных дзеянняў пратэстуючых».
Акрамя таго, сілавікі стралялі ў паветра.
У Брэсце 20 верасня жорстка затрымлівалі людзей, якія выйшлі на вуліцы мірна пратэставаць супраць дзеючай улады. Пад раздачу патрапілі і жанчыны, і мужчыны. Людзі спрабавалі адбіцца, жанчыны не давалі выдраць мужчын са счэпкі.
Цяпер чытаюць
Сталі вядомыя падрабязнасці пра трагедыю ў Полацкім манастыры16
Сталі вядомыя падрабязнасці пра трагедыю ў Полацкім манастыры
Памятаеце Данііла з Офіса Ціханоўскай, якому за два дні сабралі грошы на анкалагічную аперацыю? Яму напісаў той самы аднакласнік, які яго ўдарыў — з чаго ўсё і пачалося44
Каментары