Галоўрэд «Моцных навін» атрымала чарговы штраф. Яна асвятляла акцыю, якая не адбылася
Галоўрэд «Моцных навін» Ганна Якштас атрымала чарговы штраф па артыкуле 23.34 ч.1. На думку суда Савецкага раёна, журналістка ўдзельнічала ў акцыі 23 верасня.
Нагадаем, у той дзень адбылася «таемная» інаўгурацыя Лукашэнкі.
«Я патрапіла на відэа, калі асвятляла шэсце каля «Універмага». Там праходзіла калона з 60-70 чалавек, людзі не скандавалі, плакатаў не неслі. Усе падоўжылася 10-15 хвілін, пасля чаго з'явіўся АМАП і ўсіх разагнаў», — распавяла журналістка.
На думку суда, Якштас «выдавала сябе за акрэдытаванага журналіста». Ганна віну не прызнала.
У галоўнага рэдактара «Моцных навін» гэта ўжо другое затрыманне і другі штраф. Як і першы раз да суду яе 72 гадзіны трымалі ў ізалятары. За кратамі ў дадзены момант знаходзіцца муж Ганны рэпарцёр Дзяніс Якштас.
Каментары